(၁) ခရီးသွားခြင်းသည် လူတစ်ဦးတစ်ယောက်အဖို့ မကြုံမဖြစ် ကြုံရမည်သာဖြစ်သည်။ ခရီးတ၊ို ခရီးရှုည်၊ ခရီးနီး၊ ခရီးဝေး၊ ရေလမ်း၊ ကုန်းလမ်း၊ လေလမ်း ..ခရီးအမျိုးမျိုးရှိသကဲ့သို့၊ အချို့ကါး ခရီးသွားလာရမှု နည်းပါးကြပြီး၊ အချို့ကါး မကြာခဏ ဆိုသလို ခရီး ယာယီသွားလာမှု ပြုကြရ၏။ ဤဆောင်းပါးသည် မကြာခဏ ခရီးယာယီသွားလာနေရသူတို့အတွက် ပိုိမိုရည်စူးရေးသားပါသည်။
(၂)အခါတိုင် (၇)ပါး နှင့် ခရီးယာယီ
အင်္ဂ၀ိဇ္ဇာအခါတိုင် ဟုဆိုလျှင် စာဖတ်သူအတော်များများပင် နားယဉ်ရင်းနှီးပြီး ဖြစ်ပါလိမ့်မည်။ အခါတိုင်ပိုင်းနည်းကို လည်း အတန်အသင့် သိရှိနားလည်ပြီးဖြစ်ကြပေမည်။ အခါတိုင်ပိုင်းနည်း အမျိုးမျိုးရှိသည့်အနက် စာရေးသူအနေဖြင့် လက်တွေ့အသုံးပြုရာတွင် နှစ်သက်မိသော အခါပိုင်းနည်းမှာ နံနက် ၆း၀၀ မှ ညနေ ၆း၀၀ ထိ၊ တစ်နာရီခွဲ (၉၀)မိနစ်ဆီ ပိုင်းခြားနည်းဖြစ်သည်။
(အခါပိုင်းနည်းကို အထူးတလယ် ရေးသားမဖော်ပြတော့ပါ။ အလွယ်တစ်ကူအသုံးပြုနိုင်ရန်အတွက် နေ့စဉ်သုံး အခါတိုင်ဇယားကို ထည့်သွင်း
ဖော်ပြလိုက်ပါသည်။ )
နေ့စဉ်သုံး အင်္ဂ၀ိဇ္ဇာအခါတိုင်ဇယား
ဇယားကိုတော့ ဒီနေရာ မှာ နှိပ်ပြီး ကြည့်ရှုနိုင်ပါတယ်
စာရေးသူအဓိကရေးသားဖော်ပြလိုသည်မှာ ခရီးသွားသူတို့အတွက် အခါတိုင် (၇)ပါးနှင့် ကြုံကြိုက်ချိန်တို့၌ သတိပြုအပ်သည့် အချက်များကိုသာဖြစ်သည်။
(၁) တနင်္ဂနွေအခါတိုင် နှင့် ခရီးယာယီ
တနင်္ဂနွေအခါတိုင်သည် အများအားဖြင့် ခရီးစဉ်ဖြောင့်ဖြူးခြင်း၊ ဘုရားဖူးခရီး၊ ပညာတော်သင်ခရီးကဲ့သို့ ခရီးစဉ်များအတွက် အထူးကောင်းခြင်းရှိ၏။ အဖွဲ့လိုက်ခရီးသွားသူတို့အတွက်မူ လူစုကွဲခြင်း၊ ယာဉ်ရထားလက်မှတ်ဖြတ်သောအခါ အစုလိုက်မဖြစ်ဘဲ တောင်တစ်ယောက်၊ မြောက်တစ်ယောက်၊ ရှေ့တစ်ယောက် နောက်တစ်ခုံ … ကွဲပြား၍နေတတ်ခြင်း၊ ရှိမည်။
ယာဉ်ရထားလက်မှတ် (၀ါ) နေရာထိုင်ခင်းကံ မှာ … တနင်္လာ၊ ဗုဒ္ဓဟူး၊ သောကြာသားသမီးတို့အတွက် ကောင်း၏။ အထူးသဖြင့် သောကြာသားသမီးများ နေရာကောင်းရတတ်၏။ စနေ၊ တနင်္ဂနွေ၊ ကြာသာပတေး၊ ရာဟုသားသမီးတို့အတွက်မူမကောင်း။ အထူးသဖြင့် စနေ နှင့် ရာဟုသားသမီးများ နေရာထိုင်ခင်းကံ ဆိုး၏။
စနေသားသမီးများ နေရာဆုံးရှုံးခြင်း၊ အစွန်းကျသော၊ နောက်ဆုံးကျသော၊ ကျဉ်းကျပ်သော ..စသည်ဖြင့် မကောင်းသော နေရာတို့၌ နေရာရတတ်ခြင်း၊ မိမိနေရာကို သူတစ်ပါးက လုယက်ယူသွားတတ်ခြင်း …စသည်ဖြင့် ကြုံရတတ်၏။
ရာဟုသားသမီးများမှာ မနေလိုသောနေရာတွင်နေ၍ ခရီးလိုက်ပါရတတ်သည်။ အင်္ဂါသားသမီးများမှာ ကြားခုံ၊ ကြားနေရာ တို့မှခရီးလိုက်ပါရတတ်ခြင်း၊ နဂိုစီစဉ်ထားသည့်အတိုင်းမဖြစ်သောနေရာမျိုး ရရှိတတ်ခြင်း စသည်ဖြင့်ကြုံကြိုက်ရတတ်ပေသည်။
ခုံနံပတ်တူနေခြင်း၊ တိုက်နေခြင်း ရှိတတ်သောအခါတိုင်ဖြစ်ရာ၊ ခရီးစဉ်မတိုင်မီ ခုံနေရာ ယာဉ်လက်မှတ်ကို သေသေချာချာ စစ်ဆေးဝယ်ယူသင့်သော အခါတိုင်ဖြစ်ပေသည်။ ကိုယ်ပိုင်ယာဉ်ဖြင့် ခရီးသွားသူတို့အတွက် လောင်စာဆီပြတ်လတ်မှု၊ ကုန်ခမ်းမှု ကြုံရတတ်၏။ ထို့အပြင် ဆီမသန့်ခြင်းကြောင့် စက်ကိရိယာချို့ယွင်းတတ်၏။ စက်နှိုးရခက်ခဲမှု ရှိတတ်သောအခါတိုင်လည်း ဖြစ်၏။ ဤ တနင်္ဂနွေအခါတိုင်သည် လေယာဉ်ခရီးစဉ်များအတွက် အန္တရာယ်ပေးတတ်ပြီး၊ ရေကြောင်းသွား ရေယာဉ်များ အတွက်လည်း မုန်တိုင်းဘေးကျရောက်တတ်သော အခါတိုင်ဖြစ်ပေသည်။ မီးရထားများ လမ်းချော်ခြင်း၊ တိမ်းမှောက်ခြင်း အထိပင် ဖြစ်ပွားတတ်သည်။
မည်သည့်ယာဉ်ရထားဖြစ်စေ၊ စလစ် (slip) အဖြစ်ပွားတတ်ဆုံး အခါကါး ဤအခါတည်း။
အကြံပြုချက် ။ ။ ဤအခါတိုင်၌ ခရီးသွားလာမှုပြုပါက ….
ဝန်ထုပ်ဝန်ပို အလွန်များပြားစွာ ယူဆောင်မသွားသင့်။ လမ်းကျဉ်းထက် လမ်းကျယ်ကို ရွေးခြယ်သင့်၏။ စက်တပ်ယာဉ်များအားလုံး (ဆီ) ကို ဂရုစိုက်စစ်ဆေးသင့်၏။
ရာသီဥတုအခြေအနေကို တင်ကြိုလေ့လာ အကဲခတ်ပြီးမှ ခရီးသွားသင့်၏။
ဗုဒ္ဓဘာသာဝင်များ (လောက၀ိဒူ) ဂုဏ်တော်ကို ၅ ကြိမ်တိုင်တိုင် ကြည်ညိုပွား များပြီးမှ ခရီးသွားသင့်၏။
(၂) တနင်္လာအခါတိုင် နှင့် ခရီးယာယီ
တနင်္လာအခါတိုင်ကါး ခရီးသွားအခါတိုင်ဟု ဆိုရလောက်အောင်ပင် ခရီးစဉ်ကိုအားပေး၏။ အထူးသဖြင့် အရွှေ့အပြောင်းခရီးစဉ်များ၊ ပျော်ပွဲစားခရီးစဉ်များကို ပိုမိုအားပေးသော အခါဖြစ်သည်။ ထူးခြားချက်အနေဖြင့် ယဉ်ရထားလက်မှတ်များ မှောင်ခိုရောင်းဝယ်ဖောက်ကားမှု ကြုံရတတ်ခြင်းဖြစ်သည်။ လက်မှတ်ရရှိရေးအတွက် အခက်အခဲကြုံရတတ်သည်။ နိုင်ငံရပ်ခြားသို့ ခရီး ထွက်ခွါသူများအနေဖြင့် ပြည်ဝင်ခွင့် နှင့် စပ်လျဉ်း၍ အခက်အခဲအတားအဆီး ရှိတတ်သည်။
ယာဉ်ရထားလက်မှတ် (၀ါ) နေရာထိုင်ခင်းကံမှာ …
တနင်္လာ၊ စနေ၊ ရာဟု သားသမီးများ နေရာကောင်း ရရှိတတ်၏။ တနင်္ဂနွေ၊ အင်္ဂါ၊ ကြာသာပတေး၊ သောကြာသားသမီးများ နေရာထိုင်ခင်းကံ ညံ့၏။ ဗုဒ္ဓဟူးသားသမီးများမှာ ကြားခုံ ကြား နေရာ ရရှိတတ်ခြင်း၊ နေရာနှင့်ပတ်သက်၍ ထင်သလိုဖြစ်မလာခြင်း ကြုံရတတ်၏။ အထူးသဖြင့် တနင်္ဂနွေသားသမီးများ နေရာမရ ဒုက္ခများတတ်၏။ ဗုဒ္ဓဟူး၊ ရာဟုသားသမီးများ ခရီးပမ်း၍ နွမ်းနယ်ခြင်း၊ ခေါင်းအုံခြင်း၊ မူးဝေအော့အံခြင်း … စသည်ဖြင့်ဖြစ်ပွားတတ်၏။
ဗုဒ္ဓဟူးသားသမီးများမှာ ပိုမိုဆိုးရွားစွာ ခံစားရတတ်ပေသည်။
သက်တောင့်သက်သာ ခရီးသွားရတတ်သောအခါတိုင်ဖြစ်သော်လည်း၊ အိပ်စက်နားနေရင်း ခရီးလိုက်ပါလိုသူ တို့အတွက်မူ အခက်ကြုံ၍ အိပ်ရေးပျက်ရတတ်သည်။ ဟိုင်းဝေးသွားကုန်တင်ယာဉ်ကါးမောင်းဒရိုက်ဘာများ၊ ကိုယ်ပိုင်ယာဉ်မောင်းဒရိုက်ဘာများ … ဤအခါတိုင်၌ ခရီးသွားလာမှုပြုပါက အိပ်မငိုက်မိအောင် ကြိုတင်ကာကွယ်မှု ပြုထားရန်လိုအပ်၏။ ဤအခါတိုင်သည်
ဘီးလေလျော့ခြင်း၊ ဘီးပေါက်ခြင်းများလည်း မကြာမကြာ ဖြစ်ပွားတတ်၏။ ဘတ္ထရီပိုင်းဆိုင်ရာ၊ မီးပိုင်းဆိုင်ရာများ၌ ပြဿနာပေါ်တတ်၏။
အကြံပြုချက် ။ ။ ဤအခါတိုင်၌ခရီးသွားလာမှုပြုပါက …
မိမိကျမ္မာရေးအခြေအနေကို သုံးသပ်ပြီးမှ ခရီးထွက်ပါ။ မော်တော်ယာဉ်များကို တင်ကြို စစ်ဆေးမှုပြုပါ။ အိပ်ရေးမ၀ဘဲ ခရီးမသွားသင့်။ (အထူးသဖြင့် ကိုယ်တိုင်ယာဉ်မောင်းသူများ)
အချိန်နှင့် အခါနှင့် ခရီးရောက်လိုသူများ မူလသတ်မှတ်ထားသော အချိန်ထက် ပိုစောလျှင်စွာ ခရီးထွက်သင့်၏။
ဗုဒ္ဓဘာသာဝင်များ (အနုတ္တရော ပုရိသ ဒမ္မသာရထိ) ဂုဏ်တော်ကို (၆) ကြိမ်တိုင်တိုင် ကြည်ညိုပွားများပြီးမှ ခရီးသွားလာသင့်၏။
(၃) အင်္ဂါအခါတိုင် နှင့် ခရီးယာယီ
အင်္ဂါအခါတိုင် ။ ။ အင်္ဂါအခါတိုင်သည် နားနေခြင်း၊ ရပ်ဆိုင်းခြင်းကို အထူးပေးတတ်သော အခါတိုင် ဖြစ်ပေသည်။ ဤအခါတိုင်သည် အလျင်စလို ခရီးသွားခြင်းကို လုံးလုံးလျားလျား ကန့်ကွက်တတ်သော သဘောရှိ၏။ နားနားနေနေ၊ ဖြေးဖြေး အေးအေး ခရီးသွားခြင်းကိုသာခွင့်ပြု၏။ သို့ဖြစ်ရာ အရှိန်ဖြင့် အမြန်မောင်းနှင်သော ယာဉ်ရထားများအတွက် အန္တရာယ်ကြီးမားသော အခါတိုင်လည်း ဖြစ်ပေသည်။ လမ်းလျှောက်၍သွားနေသူပင်၊ သတိလက်လွတ်အမြန်လျှောက်မိပါက ခလုတ်တိုက်မိ ခိုက်မိတတ်သည်။ အချိန်မတိကျခြင်း၊ အချိန်နောက်ကျခြင်းများလည်း ဖြစ်ပွားစေသောအခါတိုင်ဖြစ်သည်။ ဖြောင့်ဖြောင့်တန်းတန်း ခရီးမတွင်ဘဲ၊ ခရီးစဉ် ကွေ့ကောက်ရတတ်သော သဘောလည်းရှိ၏။ ယာဉ်ရထားများ ၀န်စည်စလယ်များပြားခြင်းရှိတတ်ပြီး၊ မြို့တွင်းသွား ဘတ်(စ်)ကါးများ လူအလွန် ကြပ်တတ်၏။ ယာဉ်ကျောပိတ်ဆို့မှုများ၊ လမ်းခရီး၌ အတားအဆီးကြုံရမှုများ ရှိတတ်သော အခါတိုင်လည်းဖြစ်သည်။
ယာဉ်ရထားလက်မှတ် (၀ါ) နေရာထိုင်ခင်းကံမှာ …
တနင်္ဂနွေ၊ အင်္ဂါ၊ ကြာသာပတေး၊ ရာဟုသားသမီးများ အတွက် ကောင်းမွန်၏။ အထူးသဖြင့် ရာဟုသားသမီးများ နေရာကောင်း ရတတ်၏။ တနင်္လာ၊ ဗုဒ္ဓဟူး၊ သာကြာသားသမီးများ နေရာထိုင်ခင်းကံ ညံ့၏။ စနေသားသမီးတို့မှာ ကြားခုံ ကြားနေရာမှ လိုက်ပါရတတ်၏။ ဗုဒ္ဓဟူး နှင့် သောကြာ သားသမီးများမှာ နေရာထိုင်ခင်းအတွက် ဒုက္ခအများဆုံးဖြစ်သည်။
ဤအခါတိုင်သည် ဆီပြတ် တတ်၏။ လမ်းခရီး၌ တိရိစ္ဆာန်များကြောင့် ယာဉ်ကါးများ ဥပါဒ်ဖြစ်တတ်၏။ ကမ္ဘာ ပေါ်တွင် ယာဉ်တိုက်ခိုက်မှု အများပြားဆုံး အချိန်ကါလကိုပြပါဆိုလျှင်၊ ဤအင်္ဂါအခါတိုင်ကိုပင် ပြရပေလိမ့်မည်။ အချို့သော ယာဉ်ရထားများလည်း ၀န်ပိုတင်ဆောင်လွန်းသဖြင့် ခရီးဖင့် နှောင့်နှေးရတတ်ပေသည်။ အချို့သော ရေယာဉ်များလည်း ဤအခါတိုင်၌ သောင်တင်မှု ကြုံကြရတတ်၏။
အကြံပြုချက် ။ ။ ဤအခါတိုင်၌ ခရီးသွားလာမှုပြုပါက …
သတိတရားလက်ကိုင်ဆောင်ထားပါ။ ဖြေးဖြေးမှန်မှန် ခရီးနှင်ပါ။ နားပါ။ ရပ်ပါ။ ပြီးမှဆက်သွားပါ။ အမြန်ခရီးနှင်မှုကို လုံးဝရှောင်ကျဉ်ပါ။
ဗုဒ္ဓဘာသာဝင်များ (သတ္ထာဒေ၀ မနုဿာနံ) ဂုဏ်တော်ကြီးကို (၇)ကြိမ်တိတိ အာရုံပြုပြီးမှ ခရီးထွက် သင့်ပေသည်။
(၄) ဗုဒ္ဓဟူးအခါတိုင် နှင့် ခရီးယာယီ
ဗုဒ္ဓဟူးအခါတိုင်သည် တရားဝင်ခရီးစဉ်များ၊ ပညာတော်သင်ခရီးစဉ်များ၊ ဘ၀အောင်မြင်ရေးအတွက် သွားလာ ရသော ခရီးစဉ်များကို အားပေး၏။ အထူးသဖြင့် ဗုဒ္ဓဟူးသားသမီးများ ပညာတော်သင်ခရီး စေလွှတ်ခြင်းခံရတတ်သောအခါတိုင်လည်းဖြစ်သည်။ ခွင့်ပြုချက်ဖြင့် ခရီးထွက်ခွါရခြင်းကို အားပေးလှုံ့ဆော်သော အခါတိုင် ဖြစ်သည့်အားလျော်စွာ၊ မှောင်ခိုကယ်ရီခရီးများ၊ လူကြီးသူမ မသိအောင် ခိုးဝှက်ခရီးထွက်လိုသော သူများအဖို့မူ ကံမကောင်းအကြောင်းမလှ ဖြစ်ရတတ်ပေသည်။ ဤအခါတိုင်သည် လမ်းမှန် လမ်းဖြောင့်မှ သွားလာခြင်းကိုသာ ခွင့်ပြု၏။ ဖြတ်လမ်းသုံးခြင်း၊ ကွေ့ဝိုက်၍သွားခြင်းအားဖြင့် အကျိုးယုတ်စေတတ်သော အခါဖြစ်သည်။ အထူးသဖြင့် တောင်ပေါ်လမ်းခရီးသွား ယာဉ်များအဖို့ အလွန်အန္တရာယ်ကြီးမားသော အခါတိုင်ဖြစ်သည်။ ဆီအခက်အခဲဖြစ်ခြင်း၊ စက်ကိရိယာချွတ်ယွင်းခြင်းများပေါ်ပေါက်တတ်သကဲ့သို့၊ အချိန်အဆ လွဲချော်မှုအများဆုံး ဖြစ်ပွားတတ်သောအခါလည်းဖြစ်သည်။ လမ်းစည်းကမ်း၊ ယာဉ်စည်းကမ်းလိုက်နာ၍မှန်မှန်ကန်ကန်မောင်းနှင်သော ယာဉ်များ အန္တရာယ်
ကင်းဝေးစေပြီး၊ စည်းကမ်းဖောက်ဖျက်သော၊ ဖြတ်လမ်းသုံးသောယာဉ်များ အန္တရာယ်များတတ်သောအခါတိုင်ဖြစ်သည်။
ယာဉ်ရထားလက်မှတ်(၀ါ) နေရာထိုင်ခင်းကံမှာ …
အင်္ဂါ၊ ဗုဒ္ဓဟူး၊ သောကြာသားသမီးများမှာ နေရာထိုင်းခင်း ကံကောင်း၏။ တနင်္လာ၊ စနေ၊ ရာဟုသားသမီးများမှာ နေရာထိုင်းခင်းကံ ညံ့ကြ၏။ တနင်္ဂနွေ၊ ကြာသာပတေး သားသမီးများ မှာ ကြားခုံ ကြားနေရာမှ ခရီးလိုက်ပါကြရတတ်ပေသည်။
ဤအခါတိုင်တွင် ဂရုစိုက်သင့်သော အချက်မှာ ခရီးစဉ်စတင်ထွက်ခါနီးအချိန် နှင့် ခရီးရောက်ခါနီး ကါလနှစ်ပါး တွင် ရုတ်တရက် အနှောက်အယှက် အဟန့်အတားပေါ်တတ်ပေရာ၊ သတိအနည်းငယ်ထား၍ခရီးသွားလာခြင်းဖြင့် အကျိုးကျေးဇူးရရှိကြ ပေလိမ့်မည်။ ဤဗုဒ္ဓဟူးအခါတိုင်သည် အပြိုင်အဆိုင်မောင်းနှင်မှုကြောင့် ယာဉ်အန္တရာယ် အဖြစ်ပွားတတ်ဆုံးအခါတိုင်ဖြစ်သည်။ ဒေါသဖြစ်ရခြင်း၊ စိတ်ဆိုးမာန်ဆိုးဖြစ်ရခြင်း၊ စသည်ဖြင့် ကြုံရမြဲဖြစ်သော အခါတိုင်ဖြစ်ရာ မေတ္တာတရားကို လက်ကိုင်ထား၍ ခရီးသွားလာသင့်သော အခါတိုင် ဖြစ်ပေသည်။
ဗုဒ္ဓဟူးအခါတိုင်သည် စွန့်စားထွက်ခွာသောခရီးစဉ်များ၊ ဖြတ်လမ်းလိုက်ခြင်းများ၊ အချိန်မတော်ခရီးသွားလာခြင်းများအတွက် ကံမကောင်းအကြောင်းမလှဖြစ်စေတတ်သည်။ အထူးသဖြင့် နယ်မြေမအေးချမ်းသော အရပ်ဒေသများတွင်၊ အချိန်အခါ မသင့်လျော်ခိုက် ခရီးထွက်ခြင်းမျိုး လုံးဝမပြုလုပ်သင့်ပါပေ။ နေရောင်သည် (၀ါ) နေထွက်ချိန်၊ နေ၀င်ချိန်သည် ဤအခါတိုင်၌ အလွန် အရေးကြီးလှပေသည်။
အကြံပြုချက် ။ ။ ဤအခါတိုင်တွင်ခရီးသွားလာမှုပြုပါက …
မေတ္တာတရားကိုလက်ကိုင်ပြုပါ။ စည်းကမ်းလိုက်နာ၍ ခရီးနှင်ပါ။ ဖြတ်လမ်းကို ရှောင်ကျဉ်ပါ။ အချိန်အခါ နှင့် ကါလံဒေသံကို သတိပြုပြီးခရီးသွားလာပါ။
ဗုဒ္ဓဘာသာဝင်များ …မေတ္တာသုတ်တော်၊ မောရသုတ်တော်၊ အရဟံဂုဏ်တော်တို့ကို ပွားများရွတ်ဖတ်ပူဇော်ပြီးမှ ခရီးသွားလာမှု ပြုသင့်ပေသည်။
(၅) ကြာသာပတေးအခါတိုင် နှင့် ခရီးယာယီ
ကြာသာပတေး အခါတိုင်ကါး ခရီးသွားလာမှုများ အားလုံးအတွက် ၉၀%ခန့် ချောမွေ့အဆင်ပြေစေသော အခါတိုင်မျိုးဖြစ်သည်။ ဤအခါတိုင်သည် သက်တောင့်သက်သာ ခရီးသွားလာရမှုကိုလည်း အများအားဖြင့် ဖြစ်ပွားစေသည်။ ခရီးသွားလာကြသူအချင်းချင်း ကူညီရိုင်းပင်းလေ့ရှိတတ်ခြင်း၊ တစ်ဦး နှင့် တစ်ဦး ပျူငှာဖော်ရွေစွာ ဆက်ဆံလေ့ရှိတတ်ခြင်းကြောင့်၊ စိတ်ချမ်းမြေ့ဖွယ်ရာခရီးမျိုးသာ အများအားဖြင့် ဖြစ်ပွားတတ်ပေသည်။ သို့သော်အခါတိုင်တိုင်းတွင် ကောင်းကွက်၊ ဆိုးကွက် ရှိတတ်မြဲဖြစ်ပေရာ၊ ခရီးသွားလာရာ၌ မှန်လုံအမြန်မော်တော်ယာဉ်များတွင် လေမ၀င်သောကြောင့် ပိတ်လှောင်မွန်းကျပ်သကဲ့သို့ ခံစားရတတ်ခြင်း၊ အပူလွန်ကဲမှု၊ အအေးလွန်ကဲမှု တို့ကြောင့် မသက်မသာဖြစ်ရခြင်းများ ကြုံကြရတတ်ပေသည်။
ယာဉ်ရထားလက်မှတ် (၀ါ) နေရာထိုင်ခင်းကံ တို့မှာ ….
တနင်္လာ၊ ဗုဒ္ဓဟူး၊ စနေသားသမီးများအတွက် နေရာထိုင်ခင်း အဆင်ပြေကြရတတ်ပြီး၊ တနင်္ဂနွေ၊ အင်္ဂါ၊ ကြာသာပတေး၊ ရာဟုသားသမီးများအတွက်မှာမူ နေရာထိုင်ခင်းကံ အညံ့ကြုံကြရတတ်ပေသည်။ သောကြာသားသမီးများသည် ကြားခုံ ကြားနေရာမှလည်းကောင်း၊ ကြုံရာနေရာမှလည်းကောင်း ခရီးလိုက်ပါကြရတတ်ပေသည်။ မည်သည့်နေ့နံ သားသမီးဖြစ်စေ၊ အခါမသင့်ပါက မူလနေရာ ကျယ်ကျယ်မှ နေရာ ကျဉ်းကျဉ်းကျပ်ကျပ် အခြေအနေမျိုးသို့ ရောက်ရှိသွားတတ်ခြင်းမှာ ဤအခါတိုင်၏ ထူးခြားချက်ဖြစ်သည်။
ကြာသာပတေး အခါတိုင်သည်လည်း ရာသီဥတုအခြေအနေကို လေ့လာအကဲခတ်မှု ပြုသင့်သော အခါတိုင်အမျိုးအစားတွင် ပါဝင်သည်။ အနောက်နိုင်ငံအချို့တွင် အအေးလွန်ကဲမှုကြောင့် ဆီးနှင်းခဲများ ထူထပ်ပိတ်ဆို့လျက်၊ လမ်းပမ်းဆက်သွယ်ရေး ခက်ခဲမှုကြုံကြရသော အခါတိုင်မျိုးဖြစ်သည်။ ဤအခါတိုင်သည် ယာဉ်ရထားများ၌ ဘတ္ထရီ နှင့် မီးပိုင်းဆိုင်ရာများတွင် ချွတ်ယွင်းအားနည်းမှု ပေါ်ပေါက်လာတတ်သည်။ ကြာသာပတေးအခါတိုင်တွင် အရာရာသည် အလွယ်တစ်ကူချက်ချင်းပြောင်းလည်းသွားနိုင်စွမ်းရှိ၏။ တည်ငြိမ်မှုအားနည်းသော အခါတိုင်မျိုးဖြစ်သည်။ ခရီးသွားလာကြသူများအနေဖြင့် ဥတုရာသီ ကာလံဒေသံကို တွက်ချက်ပြီး၊ အပူဒဏ် အအေးဒဏ်ကို ကာကွယ်နိုင်ရန်အတွက် တင်ကြိုစီစဉ်မှု ပြုလာသင့်ကြပေသည်။
အကြံပြုချက် ။ ။ ဤအခါတိုင်တွင် ခရီးသွားလာမှုပြုပါက …..
သန့်ရှင်းသပ်ရပ်စွာဝတ်စားဆင်ယင်သွားပါ။ အာဟာရဖြစ်စေသော အစားအစာတို့ကို သင့်တင့်မျှတစွာမှီဝဲသွားပါ။ ယာဉ်ကါးများကိုစီးနင်းလိုက်ပါရာတွင် မှန်ပြတင်းကို ဖွင့်လွယ်၊ ပိတ်လွယ်သော နေရာမျိုး မှသာ စီးနင်းလိုက်ပါသင့်၏။ အရက်သေစာ သောက်သုံးခြင်းကို ရှောင်ပါ။
ဗုဒ္ဓဘာသာဝင်များ ( သမ္မာသံဗုဒ္ဓေါ )ဂုဏ်တော်ကြီးကို (၂)ကြိမ်တိုင်တိုင် လေးနက်စွာ အာရုံပြုကြည်ညိုပြီးမှ ခရီးသွားလာသင့်၏။
(၆) သောကြာအခါတိုင် နှင့် ခရီးယာယီ
သောကြာအခါတိုင်သည်ကါး ခရီးနှင်ရာ၌ မြန်ဆန်စွာ ရောက်ရှိစေတတ်သောအခါတိုင်ဖြစ်၏။ စွန့်စွန့်စားစား ခရီးစဉ်များ၊ လေ့လာရေးခရီးစဉ် နှင့် အပျော်ခရီးစဉ်များ၊ မှောင်ခိုကယ်ရီ ခရီးစဉ်များ၊ စစ်ဆေးရေးခရီးစဉ် နှင့် စစ်ကြောင်းချီခရီးများ၊ ယာဉ်ရထားပြိုင်ပွဲ ခရီးစဉ်များကို အထူးအားပေးသော အခါတိုင်ဖြစ်လေသည်။ ငယ်ရွယ်သူအများစုတို့ လူကြီးမိဘများမသိအောင် ခရီးခိုး၍ထွက်တတ်ကြသော၊ စတန့်ထွင်၍ ယာဉ်ကါးများ တစ်ဝီ၀ီမောင်းနှင်တတ်ကြသောအခါတိုင်လည်းဖြစ်၏။ အခြားသောအားဖြင့် … အမဲပစ်ခရီး၊ ရတနာရှာဖွေရသောခရီး နှင့် သက်စွန့် ဆံဖျား သွားလာရသောခရီးစဉ်များကို ဤအခါတိုင်၌တွေ့မြင်ရသည်။
ယာဉ်ရထားလက်မှတ် (၀ါ) နေရာထိုင်ခင်းကံမှာ …
တနင်္ဂနွေ၊ ကြာသာပတေး၊ စနေ၊ ရာဟုသားသမီးများအတွက် ကောင်းမွန်ပြီး၊ အင်္ဂါ၊ ဗုဒ္ဓဟူး၊ သောကြာသားသမီးများ အတွက်မူ ညံ့၏။ တနင်္လာသားသမီးများမှာ အလယ်ခုံ၊ ကြားနေရာမျိုးမှ ခရီးလိုက်ပါရတတ်ပေသည်။
သောကြာအခါတိုင်၏ အားသာချက်မှာ ဖြတ်လမ်း (shortcut) သုံးနိုင်ခြင်း နှင့် အမြန်ခရီးနှင်နိုင်မှုတို့ဖြစ်သည်။ အားနည်းချက်မှာ လမ်းကြော နှင့် လမ်းခရီးအနေအထားကို မလေ့လာထားပါက၊ စမ်းတစ်ဝါးဝါးဖြစ်တတ်မှု၊ မျက်စိလည်လမ်းမှား တတ်မှုတို့ ကြုံရတတ်ခြင်းဖြစ်လေသည်။ တစ်ခါတစ်ရံ ခရီးလမ်းတွင် မိုးသားတိမ်လိပ်များ အုံဆိုင်းမှုံမှိုင်းလျှက်၊ နေရောင် ပျောက်ဆုံးနေတတ်ခြင်း၊ မိုးသည်းထန်စွာရွာသွန်းမှုကြောင့် ယာဉ်ကားများ မောင်းနှင်မရတော့ဘဲ ရပ်ဆိုင်းပစ်ရတတ်ခြင်း၊ စသည်ဖြင့် …တွေ့ကြုံရတတ်ပေသည်။ အထူးသတိပြုအပ်သည်မှာ ညဘက်ခရီးစဉ်များတွင်၊ မီးမထွန်းဘဲ (သို့) မီးတစ်ဖက်သာထွန်းပြီး မောင်းနှင်လာတတ်သော ယာဉ်ကါးအချို့ကြောင့် ယာဉ်အန္တရာယ်များဖြစ်ပွားရတတ်သည်။ ဤအခါတိုင်၌ (အလင်းရောင်) ချို့တဲ့တတ်ကြောင်းသတိပြုပါ။
အကြံပြုချက် ။ ။ ဤအခါတိုင်၌ခရီးသွားလာမှုပြုပါက …
ဖြတ်လမ်းကိုအသုံးပြုနိုင်သည်။ ခရီးသွားသူများ သတ်မှတ်ထားသောအချိန်ထက်စော၍၊ (၀ီရိယပိုစိုက်၍) တင်ကြို ပြင်ဆင်မှုပြုထားသင့်၏။ အန္တရာယ်မဖြစ်အောင်သတိထားပြီး မြန်မြန်သွက်သွက်ခရီးနှင်ပါ။
ဗုဒ္ဓဘာသာဝင်များ (၀ိဇ္ဇာစရဏသမ္ဗန္ဓော) ဂုဏ်တော်ကြီးကို သုံးကြိမ်တိုင်တိုင်၊ ခန္ဓသုတ်တော်ကြီးကို သုံးကြိမ်တိုင်တိုင် ရွတ်ဖတ်ပူဇော်ပြီးမှ ခရီးသွားလာသင့်၏။
(၇) စနေအခါတိုင် နှင့် ခရီးယာယီ
စနေအခါတိုင်သည်ကါး … အပြန်ခရီးဟူသမျှကိုသော်လည်းကောင်း၊ ပညာရေးနှင့်စပ်လျဉ်းသောခရီးစဉ်များကိုသော်လည်းကောင်း၊ ဘုရားဖူးခရီး နှင့် လူကြီးမိဘဆရာသမားတို့ကို ကန်တော့ရန် သွားရောက်သော ခရီးစဉ်များကိုသော်လည်းကောင်း၊ အတိတ်ကာလက ရောက်ခဲ့ဖူး၊ နေခဲ့ဖူးသော အရပ်ဒေသများသို့ ပြန်လည်သွားရောက်ရသော ခရီးစဉ်များကိုသော်လည်းကောင်း၊ သာသနာပြု ခရီးစဉ်များကိုသော်လည်းကောင်း၊ အထူးအားပေးတတ်သော အခါတိုင်ဖြစ်လေသည်။
ဤအခါတိုင်ကါး ခရီးသွားလာရာ၌ သက်တောင့်သက်သာဖြစ်မှု နည်းပါးတတ်၏။ မိမိတို့လိုက်ပါသော ယာဉ်ရထားကြောင့်ဖြစ်စေ၊ ခရီးလမ်းပမ်းအနေအထားကြောင့်ဖြစ်စေ၊ ခရီးပမ်း၍ နွမ်းနယ်ရတတ်၏။ ဤအခါတိုင်၌ ခရီးသည်တို့လည်း တစ်ဦးနှင့် တစ်ဦး ကြင်နာသနားမှု၊ ဧည့်ဝတ်ပြုမှု နည်းပါးတတ်ကြကုန်၏။
ယာဉ်ရထားလက်မှတ် (၀ါ) နေရာထိုင်ခင်းကံမှာ …
တနင်္ဂနွေ၊ အင်္ဂါ၊ ကြာသာပတေး၊ သောကြာသားသမီးများအတွက် အဆင်ပြေချောမွေ့မှု ရှိနိုင်ပြီး၊ တနင်္လာ၊ ဗုဒ္ဓဟူး၊ စနေသားသမီးများအတွက်မူ အဆင်မချောမွေ့တတ်ပါပေ။ ရာဟုသားသမီးများမှာ ကြားခုံ၊ ကြားနေရာမျိုးမှ ခရီးလိုက်ပါကြရတတ်ပေသည်။ ဤအခါတိုင်၏ သော့ချက်ကါး (လမ်းဟောင်း)တည်း။ စနေအခါတိုင်သည် ပညာဥာဏ်အဓိကအုပ်စိုးရာ အခါတိုင်ဖြစ်ပေရာ ဆင်ခြင်တုံတရား နှင့် ပညာဥာဏ်ရှိသူတို့အတွက် ချမ်းသာစွာခရီးနှင်ရတတ်ပြီး၊ ပညာဥာဏ်ဆင်ခြင်တုံတရားနည်းပါးသူတို့
အတွက်မူ ခရီးလမ်း၌ ဆင်းရဲပင်ပမ်းတတ်၏။ ဤအခါတိုင်သည် ယာဉ်ကါးများ အပျက်အဆီးအများဆုံးအခါတိုင်လည်းဖြစ်သည်။
အကြံပြုချက် ။ ။ ဤအခါတိုင်တွင် ခရီးသွားလာမှုပြုပါက …
ယာဉ်ကါးဖြစ်လျှင် တစ်ပတ်ပြန်ကွေ့ပြီးမှ၊ လူဖြစ်လျှင် အိမ်အတွင်းသို့ တစ်ကျော့ ပြန်ဝင်ပြီးမှ ခရီးထွက်သင့်၏။ သတင်းအချက်အလက် နှင့် အဆက်အသွယ်များကို အလေးဂရုပြုသင့်၏။ လမ်းနဘေးဝဲယာရှိ၊ သတိပေးဆိုင်းဘုတ်များ၊ စာတမ်းများကို ဂရုပြုဖတ်ရှုမှုပြုပါ။
ဗုဒ္ဓဘာသာဝင်များအဖို့ (သုဂတော) ဂုဏ်တော်ကြီးကို (၄)ကြိမ်တိတိ၊ (ဗုဒ္ဓေါ) ဂုဏ်တော်ကြီးကို (၈)ကြိမ်တိ တိ လေးနက်စွာ အာရုံပြုရွတ်ဖတ်ပူဇော်ပြီးမှ ခရီးထွက်သင့်ပေသည်။
ကျမ္မာချမ်းသာစွာ ခရီးဆက်နိုင်ကြပါစေသတည်း။
ဝေသာလီ မောင်ဖုန်း (သုတေသီ)
Tayyayeyate's Blog 